22 майи соли 2025 дар шаҳри Исфара омӯзиши дурӯза бо унвони «Доонистани ҳуқуқҳои худ — мо ягон касро канор намемонем» анҷом ёфт, ки барои занону духтарони аз оилаҳои осебпазир ташкил гардида буд. Рӯзи дуюм низ пурмуҳтаво ва муҳим буд.
Дар ҷараёни омӯзиш иштирокчиён бо мавзӯъҳои зерин шинос шуданд:
- зӯроварии гендерӣ дар муҳити оилавӣ ва ҷомеа;
- ташаккули нақшҳои гендерӣ ва таъсири онҳо ба зиндагии занон;
- шаклҳои гуногуни зӯроварӣ ва роҳҳои шинохти онҳо;
- ҳуқуқҳои инсон ва дастрасӣ ба кӯмаки ҳуқуқии ройгон.
Занон ҳодисаҳои воқеии ҳаётиро баррасӣ намуда, роҳҳои ҳуқуқии ҳалли онҳоро меомӯхтанд. Таҷҳизоти алоҳида ба масъалаҳои мерос, ҳуқуқи оилавӣ, ҳуқуқҳои меҳнатӣ ва ҳуқуқи шахсони имконияташон маҳдуд бахшида шуд.
Дар интиҳои омӯзиш натиҷаҳо баррасӣ шуда, иштирокчиён фикру мулоҳизаҳои худро баён намуданд ва варақаҳои ҷамъбастиро пур карданд. Занон таъкид карданд, ки омӯзиш ба онҳо донишҳои муҳими амалӣ дода, барои ҳимояи ҳуқуқҳои худ ва дигарон итминон бахшидааст.
Ин омӯзиш аз ҷониби ташкилоти ҷамъиятии Мир – Маркази Имконият барои Рушд (MIR – Office for Initiatives Development) ташкил гардид дар доираи лоиҳаи «Ҳамкории самарабахши сохторҳои давлатӣ ва ТҶ барои таҳкими потенсиали ҷомеа дар пешгирии зӯроварӣ нисбати занон дар ду минтақаи Тоҷикистон», бо дастгирии Кумитаи кор бо занон ва оила назди Ҳукумати Ҷумҳурии Тоҷикистон ва Фонди ҳадафманди СММ оид ба аз байн бурдани зӯроварӣ нисбати занон (UN Trust Fund to End Violence against Women) амалӣ гардид.
