Рӯзҳои 24–25 июн 2025 дар шаҳри Хуҷанди вилояти Суғд тренинг «Адвокатсия ва коммуникатсияи стратегӣ барои тағйирот: чӣ тавр ба ислоҳот дар соҳаи зӯроварии гендерӣ ноил шудан» барои намояндагони ташкилотҳои ҷамъиятӣ баргузор гардид.
Дар тренинг намояндагони ташкилотҳои ҷамъиятӣ ва фаъолони вилояти Суғд ширкат карданд. Меҳмонони барҷаста Шуджоат Хасанова, раиси Шӯрои машваратии ТҶҶ-и вилояти Суғд ва коршиноси байналмилалӣ Гулнара Каракулова, директори НТҶ «Маркази манбаи занон» (Шимкент, Қазоқистон) ва координатори минтақавӣ оид ба кишварҳои ИДМ дар Women’s Learning Partnership (WLP) – International буданд.
Ҳадафи тренинг тақвияти потенсиали ТҶҶ дар соҳаи адвокатсия ва коммуникатсияи стратегӣ оид ба зӯроварии гендерӣ ва хонаводагӣ буд. Иштирокчиён донишҳои худро дар бораи усулҳои асосии адвокатсия ва роҳҳои ҳамкории муассир бо мақомот ва ҷомеаҳо такмил доданд.
Таваҷҷуҳи махсус ба омодасозии ТҶҶ барои гузаронидани кампанияҳои иттилоотӣ ва ташаббусҳои маҳаллӣ барои баланд бардоштани огоҳии ҷомеа дар бораи масъалаҳои зӯроварии гендерӣ дода шуд. Ин ташаббусҳо дар минтақаҳои лоиҳаҳои вилояти Суғд амалӣ карда мешаванд.
Ташкилкунандагон: тренинг дар доираи лоиҳаи «Қавӣ гардонидани қонуният ва ҳуқуқи инсон барои васеъ кардани ҳуқуқ ва имкониятҳои мардум дар Тоҷикистон. Фаза III» бо дастгирии ПРООН Тоҷикистон ва Вазорати корҳои хориҷии Финляндия баргузор шуд.
Манбаъ: UNDP in Tajikistan
